Ljósaskilti heilla marga, enda mjög skemmtilegur hlutur fyrir heimilið sem virkar í flest rými og hægt er að breyta eftir stemmingu og líðan að hverju sinni. Ég fæ ekki nóg af mínu sem ég eignaðist þó fyrir löngu síðan og hef notað til skiptis í svefnherberginu, stofunni, eldhúsinu eða í barnaherberginu og hef jafnvel lánað það þegar svo hittir á. Þetta er nefnilega sérstaklega skemmtilegt ljós í veisluhöldum.

Stundum rek ég mig þó á að ég er lengi með sama textann og leita því í hugmyndir á netið þó svo að ég kjósi oftast að hafa textann minn á íslensku. Skiltið sem ég á er lítið og er úr Petit en mikið sem ég væri til í eitt stærra og veglegra í stofuna sem þyrfti þá líklega að sérpanta að utan. Ég er þó líka alltaf svo skotin í neon skiltunum sem ég fékk á heilann fyrir nokkrum árum síðan eftir að ég braut neon lampa sem ég átti, sjá gamla færslu frá mér -hér.  Ég mun eignast slíkt skilti á vegginn einn daginn það er ég handviss um:)

Ég er alveg bálskotin í þessum geggjuðu kaktus vösum frá Serax og þeir eru rakleiðis komnir á óskalistann langa. Það er dálítill húmor í vösunum sem er svo hollt og gott fyrir öll heimili og ég tala nú ekki um hvað þeir munu lífga við stofuna. Ég hef líka verið með Gras vasana frá Normann Copenhagen á óskalistanum mínum í mörg ár núna en þó aldrei keypt mér, það þarf jú alls ekki að kaupa allt sem fer á óskalistann. Það er eitthvað alveg stórkostlega skemmtilegt við þessa kaktus vasa, þið getið ekki neitað því:)

Ég rakst á þá í skoðunarferð í Dúka í Smáralind fyrir þau ykkar sem hafið áhuga en það má vel vera að merkið fáist á fleiri stöðum. Með skemmtilegri hönnun sem ég hef séð!

Panthella lampinn sem hannaður var árið 1971 af Verner Panton sem er jafnframt einn af mínum uppáhalds hönnuðum hefur lengi setið á óskalistanum mínum. Lampinn er einn af þeim allra fallegustu að mínu mati svo einfaldur og elegant en ég hef látið það vera að kaupa hann vegna þess hve dýr hann er og því ekki beint ofarlega á forgangslistanum okkar. Það var þó fyrir nokkru síðan sem ég fékk fréttir frá Louis Poulsen að þau eru að setja á markað mini Panthella lampa núna í september og skyndilega varð draumurinn um að eignast lampann allt í einu aðeins raunverulegri. Mini lampinn er 250 mm á hæð á meðan að hefðbundni borðlampinn er 400 mm. Ef það er eitt sem að mig skortir ekki þá eru það lampar og stólar ég veit það vel en ég hef alveg ótrúlega gaman af svona klassískri og fallegri hönnun og mun líklega safna henni alla tíð. Það eru jú til mörg verri áhugamál en þetta:)

Lamparnir koma í mörgum litum þó svo að hvíti heilli mig mest enda hefur Panthella hingað til bara verið til í hvítu, næst á listanum er þó svarti sem er mjög töff en mér finnst hann mögulega of svipaður Flowerpot lampanum mínum (Verner Panton) sem er líka svartur þó svo að ég skipti regulega um skoðun. Talandi um lampa eftir herra Panton þá má ég til með að nefna í leiðinni annað ljós eftir hann sem situr á óskalistanum en það er fallega Fun skeljaljósið sem er algjört bjútí en það er efni í aðra færslu…

Myndin hér að ofan er af Panthella gólflampanum sem er líka draumur í dós.

Hér má sjá mini Panthella lampann í svörtu, mjög klassískur og flottur.

Mig hlakkar dálítið til að sjá þá með eigin augum ♡

Það er ein vörulína frá Iittala sem þið kannist kannski ekki öll við enda farið minna fyrir henni en öðrum línum frá Iittala, en það er Aarre sem ég hef verið ástfangin af frá því að hún var fyrst kynnt árið 2015, -sannkallaðir skartgripir fyrir heimilið að mínu mati. Aarre glervegghankarnir eru munnblásnir og eru óður til hins þekkta Oiva Toikke sem er einn af gömlu meisturunum hjá Iittala og jafnframt einn merkilegasti finnski hönnuðurinn. Munnblásnu fuglana hans Toikke þekkið þið mörg hver enda ein fallegasta hönnun sem gerð hefur verið og situr gjarnan á óskalista margra brúðhjóna enda einstakur hlutur. Mig dreymir um að eignast einn daginn fugl eftir hann, en þeir eru ólíkir eins og þeir eru margir. En aftur að Aarre línunni sem flakka á milli þess að vera vegghankar eða vegglistaverk… Oiva Toikke var leiðbeinandi hönnuðanna sem öll völdu sér þema til að vinna úfrá og er útkoman stórkostlega falleg. Aalto+Aalto hönnunarteymið vann útfrá plönturíkinu,  Anu Penttinen var innblásin af sjávarríkinu og Markku Salo skoðaði alheiminn.

“Heimilið er okkar persónulegi staður, þar sem við viljum umkringja okkur fallegum hlutum. Aarre (sem þýðir fjársjóður á finnsku) færir okkur nýja möguleika á að stilla upp persónulegum hlutum. Með Aarre er auðvelt að stilla upp hlutum sem annars eru faldir ofan í skúffum eða boxum. Þegar ekkert er hengt upp þá er Aarre eins og skartgripur eitt og sér.” 

Ég mæli með að þið horfið á þetta video, -ég veit ekki með ykkur en ég ELSKA að sjá hvernig hlutir eru búnir til.

 
Ég verð að láta eina fuglamynd fylgja með…

Ég flakka fram og tilbaka hver þeirra er fallegastur en er þegar með tvo á heilanum sem ég gæti vel hugsað mér að hengja upp á mínu heimili. Ástæða þess að minna hefur farið fyrir þessari línu á sama tíma og flest heimili geyma að minnsta kosti nokkra glermuni frá þessum finnska hönnunarrisa er í fyrsta lagi að vegghankarnir fást alls ekki hjá öllum iittala söluaðilum (rétt upp hönd sem hefur aldrei séð þá) en í öðru lagi er það verðmiðinn. Þó má hafa í huga að þetta eru munnblásnir hlutir sem gerðir eru af mjög færu handverksfólki, enginn þeirra er alveg eins og því eru þetta safngripir ♡

Klassísku Nagelstager kertastjakarnir voru að koma út í messing og eru alveg gullfallegir í þeirri útgáfu. Kertastjakarnir voru upphaflega hannaðir af Fritz Nagel árið 1965 en hætt var þó að framleiða þá í fjölmörg ár og var þá helst hægt að finna þá á antíkmörkuðum. Það eru aðeins örfá ár síðan að stjakarnir voru uppgötvaðir á ný og settir í endurframleiðslu og þá drógu margir sína gömlu stjaka fram úr skápum og hafa haldið áfram að safna. Nagelstager eru ofboðslega falleg hönnun sem ég gæti vel hugsað mér að safna einn daginn.

Ég get þó ekki gert upp við mig hvort ég sé hrifnari af gulli eða silfri? Fyrir áhugasama þá er Snúran söluaðili Nagelstager á Íslandi.

Ég er svo ánægð með nýjasta heimilismeðliminn minn að hann á skilið sérfærslu. Í nokkur ár hefur mini Jack hurðastopparinn frá Tom Dixon verið á óskalistanum mínum en kostað þónokkuð meira en ég var tilbúin að borga. Þessi dásamlega fallegi hurðastoppari/bókastoð eða einfaldlega hillupunt er eftirmynd af staflanlega og margnota Jack ljósinu fræga sem Tom Dixon hannaði árið 1994 og hlaut hönnunarverðlaun fyrir. Ljósið sjálft er ekki beint minn tebolli en mini Jack er það allra dásamlegasta. Þegar ég heyrði að Epal væri að hætta með Tom Dixon vörumerkið þá vissi ég að mini Jack yrði loksins minn, og það með 45% afslætti.

Ég þarf eins og er ekki beint á hurðastoppara að halda, en þessi dásemd mun svo sannarlega eignast sinn stað á heimilinu.

Eruð þið ekki til í smá jólastemmingu! Það er regla hjá mér að bæta við nýju jólaskrauti á hverju ári og ég er þegar komin með augað á nokkra fallega hluti. Jólavörurnar frá Kähler eru sérstaklega fallegar í ár og hrifnust er ég af klassísku Nobili línunni sem núna kemur út alhvít, keramík jólatré og hvítar jólakúlur sem öll hafa að geyma pláss fyrir sprittkerti. Hvíti liturinn er almennt allsráðandi hjá Kähler í ár og koma skálar, kúlur og kertastjakar úr Omaggio línunni út í fallegri Pearl útgáfu ásamt Avvento kertastjökunum sem núna eru til í hvítu og gráu. Ætli það verði bara hvít jól í ár?

Ultima Thule er mín uppáhalds lína frá Iittala, svo dásamlega falleg og klassísk. Glösin úr línunni eru með því fyrsta sem ég keypti mér sjálf í búið í þáverandi uppáhalds búðinni minni Saltfélaginu og ég nota glösin daglega, ég kýs nefnilega að eiga ekki sparistell heldur nota það fallegasta að hverju sinni á hinum venjulega degi, líka á mygluðum mánudagsmorgnum og ég lofa ykkur því að það gerir daginn ögn betri. Þó það sé Iittala eða Ikea, ilmvatnið eða spariskórnir – við eigum að nota hlutina okkar en ekki geyma í skápum fyrir betri tilefni. Tilefnið á að vera dagurinn í dag.

Ultima Thule línan var hönnuð árið 1968 af glerlistamanninum Tapio Wirkkala sem sótti innblástur til Lapplands en línan vísar í bráðinn klaka. Ultima Thule línan er í dag ein þekktasta vörulínan frá finnska hönnunarrisanum Iittala og þið kannist líklega flest við hana og eigið jafnvel nokkra hluti. Ultima Thule er einstök fyrir þær sakir að á baki hennar liggja meira en þúsundir klukkustunda sem fóru í að fullkomna glerblásturaðferðina til að ná fram þessari sérstöku áferð sem einkennir línuna og minnir á bráðinn klaka. Ultima Thule línan hefur stækkað töluvert og árið 2015 í tilefni af 100 ára fæðingarafmæli Wirkkala bættust við diskar sem sitja hátt á mínum óskalista og ásamt þeim bættust einnig við lítil freyðivínsglös ásamt könnu.

Núna voru hinsvegar að koma út fallegir sprittkertastjakar sem ég veit að munu slá í gegn, einfaldlega klassísk hönnun sem stenst alla tískustrauma. Mér skylst þó að eins og er fáist þeir aðeins í Iittala versluninni, en frá 11. nóvember munu þeir fást hjá öllum söluaðilum Iittala.

Fallegir ekki satt? Hér að neðan tók ég saman nokkrar myndir frá Instagram síðu Iittala sem ég mæli með að fylgja ef þið hafið áhuga á að sjá fallegar myndir í ykkar fréttaveitu, sjá meira hér.

Í gær fór ég í fyrstu heimsóknina af mörgum í eina af fallegustu verslunum landsins sem tekur þátt í risa jólagjafaleiknum hér á blogginu, Snúruna. Og haldið þið ekki að fyrsti aukavinningurinn sé mættur á Snapchat, fallegur “jóla” kertastjaki frá Finnsdóttir, hann er þó of fallegur til að ég geti hugsað mér að pakka mínum niður eftir jól. Ég keypti mér sjálf svona kertastjaka fyrir nokkrum vikum síðan og varð því mjög glöð þegar Rakel í Snúrunni vildi gefa einum heppnum sama kertastjaka. Dálítið í anda Bing & Grøndahl sem ég held mikið upp á.

Ég hafði hugsað mér að nýta helgina til að jólast dálítið og mögulega baka! En þið? Ég vil endilega benda áhugasömum á það að gjafaleikurinn á snapchat rennur út í kvöld, það eina sem þarf að gera er að taka skjáskot af mynd sem ég birt þar af vinningnum.

Ég tel niður dagana þangað til að ég kemst í mína langþráðu Kaupmannahafnar ferð, ég ákvað reyndar að kíkja aðeins í stutt helgarstopp og fara svo þaðan yfir til Stokkhólms á hönnunarvikuna. Tvær af mínum uppáhalds vinkonum búa í Köben og Stokkhólmi og verður þetta því alvöru vinkonuferð, eitthvað sem ég mætti gera svo miklu meira af. Ég bókaði mig reyndar aðeins út með handfarangur svo ég geri ekki ráð fyrir að versla mikið og ég fæ mögulega að sjá eftir því ef ég rekst á margar gersemar. Mig langar dálítið til þess að heimsækja nokkrar hönnunarverslanir ásamt því að ofarlega á listanum er að kíkja á góðan loppumarkað. Ef þið lumið á tipsum hvar bestu markaðina er að finna þá endilega skiljið eftir línu!

Hér eru topp 3 verslanirnar sem ég get ekki beðið eftir að heimsækja!

Normann Copenhagen

Flaggskipsverslun Normann Copenhagen í Kaupmannahöfn var nýlega endurhönnuð og er útkoman mögulega ein fallegasta verslun í heiminum. Normann Copenhagen er eitt fremsta hönnunarmerki dana og er verslunin skylduheimsókn fyrir hönnunaráhugafólk. Húmor, litagleði og ferskar hugmyndir einkenna vöruúrval Normann Copenhagen sem inniheldur ýmsar smávörur fyrir heimilið ásamt húsgögnum.

Østerbrogade 70, 2100 København

Hay House

Eitt af mínum allra uppáhalds vörumerkjum fyrir heimilið er hið danska HAY, en þrátt fyrir það hefur mér ekki enn tekist að heimsækja stoltið þeirra – HAY á Strikinu. Staðsett í hjarta Kaupmannahafnar þá ætti Hay flaggskipsverslunin ekki að fara framhjá neinum. Hay er eitt vinsælasta innanhússhönnunarmerkið í dag og er þekkt fyrir litríka og fallega fylgihluti og húsgögn fyrir heimilið.

Østergade 61, 1100 København K

Stilleben

Lítil hönnunarverslun staðsett á hliðargötu frá Strikinu sem stofnuð var af hönnuðum Omaggio vasanna frægu og því má gera ráð fyrir smekklegu úrvali í versluninni. Hér má finna einstakt úrval af hönnunarvörum, skarti, prentverkum og keramík. Ég held að þessi verslun muni hitta mig beint í hjartastað.

Niels Hemmingsensgade 3, 1153 København K

Ég óska einnig eftir hinum ýmsu Kaupmannahafnar tipsum! Hvað er möst do í Kóngsins Köben? Janfvel líka í Stokkhólmi ef út í það er farið:)

Ég er mjög heit fyrir stafatöflum þessa dagana, í nokkrar vikur hef ég verið á leiðinni að kaupa mér þessa hér en í dag þegar ég ætlaði loksins að ganga frá kaupunum þá rakst ég á spennandi nýjung frá Design Letters. Hrikalega flotta stafatöflu sem er væntanleg í tveimur stærðum og nokkrum litum! Ég ætla því að bíða örlítið með þessi kaup þar til ég fæ að sjá þetta fínerí aðeins betur – en mikið sem þessi stafatafla lofar góðu. Design Letters alltaf með puttann á púlsinum!

Það er annars svona dagur í dag hjá mér – ég er að ganga frá nokkrum hlutum sem ég vil láta senda á vinkonur mínar áður en ég fer í Köben – Stokkhólm leiðangurinn minn, og ég bilast yfir tveimur hlutum sem ég pantaði mér í morgun!

Ég datt aldeilis í lukkupottinn í vikunni þegar ég fékk gefins þessa fallegu skál ásamt kertastjaka en lengi vel hef ég dásamað Royal Copenhagen vörur skreyttar fræga Blue Fluted mynstrinu fína. Sú sem að þetta átti var ekki alveg jafn hrifin af þessu punti og ég og vildi að einhver ætti þetta sem kynni betur að meta þessa fegurð, heppin ég!

Einn daginn eignast ég mögulega fleiri hluti í safnið – en Blue Fluted Mega væri vel þegið en ég er mjög hrifin af Fluted og Fluted Mega mynstunum blönduðum saman. Hrikalega fallegt ♡

Fritz Hansen var að tilkynna nýja og spennandi liti á Sjöunni / 2017 edition, og verður núna hægt að fá stólinn í fallegum djúpum vínrauðum lit, og pastel ljósbleikum sem passa einstaklega vel við fæturnar sem eru sprautaðar í rósagulli. Þessi bleiki litur er ólíkur afmælisútgáfunni frá árinu 2015 en þið getið séð þá útgáfu hér.

Sjöan er mest seldi stóllinn í sögu Fritz Hansen og líklega einnig sá mest seldi í heiminum þegar litið er yfir sögu húsgagnahönnunar, þvílík gæðahönnun og alltaf jafn klassískur stóll.

Hvernig lýst ykkur á þessa? Ég get ímyndað mér að verðið verði þó svipað og á afmælisútgáfunni en sá stóll var á tæpar 100 þúsund krónur – en fallegir eru þeir.

Í ár fór Iittala ekki öruggu leiðina og valdi tískulit sem lit ársins heldur þennan klassíska og fallega Ultramarine bláa lit sem er jafnframt táknrænn fyrir Finnland sem í ár fagnar 100 ára sjálfstæði sínu. Finnland er land þúsund vatna og er það ein ástæða þess að Iittala valdi Ultramarine bláan sem lit ársins 2017. Að sjálfsögðu má finna klassíska Aalto vasann í Ultramarine litnum ásamt Kartio glösum, Kastehelmi, Kivi og Maribowl skálina frægu. Teema stellið klassíska verður einnig hægt að fá í ár í sérstakri Ultramarine útgáfu sem er dökkblá með örlitlum doppum sem gerir það mjög skemmtilegt og líflegt. Ég hef lengi verið hrifin af Teema stellinu sem hannað er af meistaranum Kaj Franck og ég fengi líklega aldrei nóg af því! Kíkjum á þessa fegurð:)

Lagt á borð með Iittala // Ég er mjög hrifin af svona mixuðu stelli og finnst blái liturinn njóta sín einstaklega vel á þessu líflega dekkaða borði. Þarna sjáið þið ef þið horfið vel doppóttu Teema diskana ásamt bláu Ultramarine Kastehelmi diskunum. Þessi mynd er svo sumarleg og fersk – hrikalega flott!

Ultramarine liturinn fer mjög vel við ljósbláa Teema línuna, – þarna sést einnig fugl ársins hjá Iittala sem er sá eini sem gerður hefur verið með vængina úti. Ég fæ seint leið á því að ræða þessa fugla enda sitja þeir ofarlega á óskalistanum mínum. Hér að neðan má svo sjá Ultramarine fuglinn sjálfann sem gerður var í tilefni 100 ára sjálfstæðis Finna.

Enn meira doppótt Teema – ahhh pretty. Til að sjá Ultramarine línuna í heild sinni þá getið þið smellt hér.

Ég ræð ekki við mig – ein bleik fær að fylgja haha. Rakst í þessa fegurð á vafri mínu á heimasíðu Iittala og ég bráðnaði smá, mínir uppáhaldslitir ♡ Ég ætlaði svo sannarlega að vera búin að færa ykkur fréttirnar af Ultramarine fyrir nokkru síðan, ég var þó búin að sýna á snappinu mínu smávegis í janúar og þá rennur það stundum saman við hvað mér finnst ég vera búin að skrifa um á blogginu mínu:)

Ég á mér nokkra uppáhaldshönnuði en þeir eru fáir sem ég elska jafn mikið og Jamie Hayon. En þessar myndir hér af Hótel Barceló Torre de Madrid eru með því allra fallegasta sem ég hef séð úr heimi innanhússhönnunar og ég ásamt eflaust mörgum öðrum eigum eftir að leita aftur og aftur í þessar myndir fyrir innblástur. Myndirnar segja allt sem segja þarf, þvílík fegurð ♡

Myndir : KlunderBie via Yatzer

Hótelið er að sjálfsögðu uppfullt af hönnun Jamie Hayon og þar má meðal annars nefna húsgögn og smáhluti sem hönnuð voru fyrir Fritz Hansen og ófáa skúlptúra eftir meistarann sjálfann. Mig dreymir að sjálfsögðu um að eignast einn daginn hönnun eftir minn uppáhalds hönnuð og eru Showtime vasarnir þar efst á lista – þvílíkur draumur sem það væri.

Fyrir áhugasama þá má finna fleiri myndir ásamt grein um þetta glæsilega hótel hjá Yatzer. 

Í gær eignaðist ég drauma vegghengið mitt, eitthvað sem ég vissi ekki að mig vantaði en núna þegar það er komið upp á vegg í stofunni er það akkúrat pússlið sem vantaði uppá og skyndilega finnst mér stofan mín vera “tilbúin”. Þessi veggur hafði staðið auður í smá tíma en þarna var áður myndarammahilla og ef vel er gáð þá sést að ég er enn eftir að spartla í nokkur göt…. Vegghengið er handgert og kemur frá vefversluninni MARR, en að baki hennar standa hjónin Ninna Stefánsdóttir og Pálmi Ketilsson og undir vörumerkinu búa þau til fallegar vörur fyrir heimilið þar sem aldagamla macramé aðferðin er allsráðandi. Þau taka einnig að sér sérpantanir!

Þvílíkur draumur í dós sem þessi fegurð er ♡

Hefði ég ekki fengið það sem gjöf í gær þá hefði það samt ratað samstundis á óskalistann minn, þetta er algjört listaverk og fullkomnar mína stofu. Það er einnig alveg einstakt sem er svo skemmtilegt og fer því  sérstaklega vel hliðina á Andy Warhol plakatinu – sem að allir eiga og er allt nema einstakt:) MARR býður einnig upp á úrval af handgerðum vegghillum og blómahengjum – mæli með að kíkja!  Sjá HÉR.

Það er fátt meira umtalað á samfélagsmiðlum núna eftir umræðu vikunnar þar sem óvænt kom fram nýyrðið Epalhommi, en fyrir ykkur sem hafið ekki fylgst með umræðunni þá getið þið lesið um hvað ég á við hér. Talandi um að grípa boltann á lofti en þessi auglýsing er með þeim betri sem ég hef séð og ég get ekki annað en brosað þegar ég sé hana og verð því að deila henni hingað inn.

Ég var stödd í Epal þegar umrædd myndataka átti sér stað og smellti af myndum á bakvið tjöldin og verð að viðurkenna að ég varð smá stjörnustjörf þegar Svavar Örn mætti á svæðið en ég er alveg bálskotin í honum – og hef verið mjög lengi. En þvílíkir herramenn og alveg glerfínir voru þeir!

Ég veit ekki með ykkur en mér finnst #Epalhommi vera alveg frábært orð og ætti hreinlega að vera til í íslenskri orðabók sem lýsingarorð yfir einstaklega smekklega karlmenn haha. Eða hvað?

Undanfarið hef ég verið að spá mikið í sófum, í fyrsta lagi því við þurfum að kaupa sófa fyrir bústaðinn góða sem við erum að taka í gegn, en einnig vegna þess að sófinn á heimilinu er orðin örlítið þreyttur og þarfnast hvíldar. Ég og mamma höfum verið að spá í sófum fyrir bústaðinn en hennar draumasófi er Stocksund frá Ikea sem var þó uppseldur, en minn er þessi hér að neðan. Ghost sófinn sem hannaður er af Paola Navone fyrir ítalska Gervasoni. Hann er einfaldur í útliti, kósý og toppurinn er sá að auðvelt er að skipta um áklæði á honum og gjörbreyta þannig rýminu.

Þessar myndir eru allar frá heimili hennar Anniku Von Holdt sem er danskur rithöfundur og þvílík smekkdama. Hún heldur einnig úti gífurlega vinsælum instagram reikning sem ég mæli með. 

Bleikur, grár, blár eða hvítur? Þvílíkur draumasófi ekki satt! Fyrir áhugasama þá er Módern með umboðið fyrir Gervasoni.

Ég vil endilega heyra frá ykkur hvar flottir sófar fást – ég er einnig mjög hrifin af Söderhamn frá Ikea sem ég hef áður bloggað um. Klassískur, stílhreinn og töff. Það fer að minnsta kosti að koma tími á sófaskipti, ég hef nú þegar fjarlægt sófapúðana úr mínum því þeir voru orðnir of sjúskaðir og ég fyllti í staðinn sófann af skrautpúðunum mínum sem er mögulega ekki besta lausnin.

Jú haldið þið ekki að HönnunarMars sé enn á ný mættur á svæðið í öllu sínu veldi. Það er því um að gera að reima á sig skóna því dagskráin sem ég var að skoða er stútfull af spennandi viðburðum fyrir hönnunarþyrsta. Mér tókst enn á ný að bóka mig til útlanda á sama tíma og hátíðin er og verð því fjarri góðu gamni en ætla þó að reyna að sjá sem mest áður en ég fer. Fyrir áhugasama þá má skoða dagskrána í ár hér.

Í kvöld opnar sýningin “Íslensk hönnun í sinni litríkustu mynd” í Epal Skeifunni sem mig langar til að sjá en þar eru nokkrar vinkonur mínar að sýna. Ég viðurkenni að ég hefði gjarnan viljað líka fara á Design Diplomacy Siggu Sigurjóns og Ingu Sempé sem er á sama tíma, sjá meira um það hér.

Ég er líka mjög spennt fyrir sýningunni á Kjarvalsstöðum sem opnaði fyrir stuttu sem heitir “Dæmisögur, vöruhönnun á 21. öld” en hún mun þó standa lengur en bara Hönnunarmars svo ég er róleg. Sýningin Roundabout Baltic PLUS Iceland í Norræna húsinu er einnig spennandi, en það er alþjóðleg hönnunarsýning með munum eftir um 50 hönnuði frá átta löndum sem eru sameinuð af strandlínu Eystrasaltsins, auk íslenskra hönnuða. Í Hörpu verður svo sýningin Íslensk húsgögn og hönnun, á sýningunni gefur að líta þversnið af því sem er nýjast í íslenskri hönnun og húsgagnaframleiðslu.

Ég er mjög spennt fyrir Ceci n’est pas un meuble í Ásmundarsal sem er á vegum elsku Auðar Gnáar snillings – Islanders fagnar ársafmæli og af því tilefni hefur verið efnt til samvinnu við valinn hóp myndlistarmanna. Hver og einn listamaður hefur fengið sama húsgagnið í hendur og fullt frelsi til að skapa úr því verk. Er hér verið að endurverkja samtal sem hefur víða um heim átt sér stað milli hönnunar og myndlistar.

Sýning Þórunnar Árna, Hljóðaform í Safnahúsinu hljómar áhugaverð, sem og Austurland: make it happen again sem haldin verður á KEX hostel. ANGAN upplifun er eitthvað sem ég væri til í að upplifa, og 1+1+1 óútreiknanleg hönnun og hugdetta er einnig áhugavert en þeirra fyrri samstörf hafa verið mjög flott. 1+1+1 er tilraunaverkefni þriggja hönnuða frá Íslandi (Hugdetta), Svíþjóð (Petra Lilja) og Finnlandi (Aalto+Aalto). Einnig langar mig að kíkja á Happical hjá Happie Furniture og MeeTing Þóru Finnsdóttur í Kirsuberjatrénu.

Swimslow Ernu Bergmann verður án efa flott, samstarf Hildar Yeoman+66 norður, og sýningin Stóll í Hönnunarsafninu er eitthvað sem ég vil sjá verandi mikill stólasafnari sjálf. Ég tek það fram að þessi listi sem ég er að taka saman er ekki tæmandi og það er svo ótalmargt annað frábært að sjá!

Uppáhalds Anna Þórunn sýnir á samsýningunni í Epal nokkrar nýjar vörur.

Spennandi lína frá Ernu Bergmann.

Shapes of sound / Hljóðaform er spennó!

Skyldu endilega eftir athugasemd með þínum topp 3 sýningum sem þú vilt sjá! Við sjáumst svo kannski á HönnunarMars, eða þessa fáu daga sem ég næ að sjá:)

Gleðilegan HönnunarMars!

Þá er sá tími runninn upp, fermingar! Ég fæ á hverju ári mikið af pósti frá lesendum varðandi gjafahugmyndir fyrir ýmis tilefni t.d. brúðkaup, stórafmæli og fermingar en það getur reynst erfitt að vita hvað 14 ára unglingar óska sér. Ég man að sjálfsögðu ennþá eftir minni fermingu og ég man sérstaklega vel eftir gjöfunum sem voru allar mjög fallegar og sumar þeirra á ég enn í dag, ég er alveg á þeirri skoðun að það eigi að gefa gæði á svona tilefnum og eigulega hluti sem geta elst með fermingarbarninu. Það er kannski þessvegna sem ég hugsa nánast eingöngu um hluti til að fegra herbergið þegar kemur að fermingargjöfum!

Ég tók saman nokkrar hugmyndir sem veita ykkur vonandi innblástur ef þið eruð að vandræðast með fermingargjöf. Margir unglingar hafa alveg jafn mikinn áhuga og við að hafa fallegt í kringum sig og því um að gera að gefa þeim fín rúmföt, töff hliðarborð við rúmið, lampa, eitthvað undir skartið, töff skrifborðsstól og annað til að punta herbergið svo þau geti verið spennt að bjóða vinum sínum heim.

//1. Smart hliðarborð sem bæði er hægt að nota þegar vinirnir koma í heimsókn en einnig sem náttborð. Bloomingville, fæst í A4. //2. Panthella mini er til í mörgum skemmtilegum litum sem henta vel í unglingaherbergi, fást í Epal. //3. Klassísk íslensk hönnun – það þekkja allir Krummann frá Ihanna home, sölustaðir eru m.a. Dúka og Epal. //4. Spegill sem hægt er að leggja skartið sitt á, Normann Copenhagen, fæst í Epal. //5. Rúmföt er mjög klassísk gjöf og allir unglingar ættu að eiga eitt fallegt sett. Dots frá Ihanna home, söluaðilar m.a. Dúka og Epal. //6. Sætur kertastjaki til að punta herbergið, þessi er flottur stakur en einnig í grúppu með fleirum. Jansen+co, fæst í Kokku. //7. Hnattlíkan með ljósi er hrikalega smart, þessi fæst í A4. //8. Pirouette armband frá Hring eftir hring er bæði fínt en einnig hægt að nota dagsdaglega. Fæst m.a. í Aurum og Epal. //9. Þessar vegghillur eru æðislegar og hægt að raða saman að vild og snúa hilluberunum á tvo vegu, Pythagoras hillur fást í Dúka. //10. Krúttlegt hliðarborð með geymslu, fullkomið sem náttborð í unglingaherbergi. Fæst í A4. //11.  Bleikur Kastehelmi kertastjaki frá iittala í sætum bleikum lit. Fæst á flestum sölustöðum iittala. //12. OH stóll hannaður af Karim Rashid fyrir Umbra er flottur við skrifborðið og sérstaklega smart að leggja á hann gæru. Kostar 9.900 kr. í A4. //

Hér að neðan má sjá OH stólinn líka í svörtum en hann kemur í 6 litum. En mig langaði til að segja ykkur að dagana 23. – 27. mars eru Tax free dagar í verslunum A4 en þar fást t.d. vörur frá merkjum á borð við Bloomingville og House Doctor sem ég elska ó svo mikið ♡ Alltaf gott að nýta sér afslætti!

Hér að neðan má síðan sjá fermingargjafahugmyndir sem ég setti saman í fyrra en eiga ennþá mjög vel við.

1. Plaköt til að skreyta vegginn eru tilvalin í unglingaherbergi, þetta er frá Reykjavík Posters, fæst m.a. í Epal, Hrím og Snúrunni.// 2. Vasi frá Finnsdóttir, Snúran. // 3. DIY stafalampi, Petit. // 4. Muuto Dots snagar, Epal. // 5. Töff demantaljós, Rökkurrós. // 6. Bleikur gærupúði frá Further North, Snúran. // 7. Þráðlaus heyrnatól frá Bang & Olufsen. // 8. Fallegt hálsmen frá Octagon. //

Ég vona að þessi listi komi að góðum notum fyrir einhverja og þú mátt endilega benda á þessa færslu sérstaklega ef þú þekkir einhvern sem er að fermast sem getur þá valið sér hluti á óskalistann sinn. Æj hversu gaman væri að fá að fermast aftur – viðurkennum það bara, það var að hluta til bara vegna gjafanna:)